Eignastýring

Eignastýring ALM byggir á grunngildum fyrirtækisins um óhæði, sjálfstæði og gegnsæi í þóknunum og að vera leiðandi í eignastýringu á Íslandi.

Ráðgjafarsamningur um eignastýringu
Hér gegnir ALM hlutverki sjálfstæðs og óháðs ráðgjafa. ALM vinnur nauðsynlega greiningarvinnu er varðar t.d. markaðsaðstæður, val á fjárfestingakostum/stýringaraðilum, og framkvæmd viðskipta og kemur  eftir atvikum að mótun fjárfestingastefnu og/eða áhættustefnu og hefur eftirlit með árangri og ávöxtun.  Niðurstöður af vinnu ALM eru á formi reglulegra og óreglulegra skýrslna og funda með viðskiptavinum, allt eftir því hvað hentar hverju sinni, en ákvarðanir um viðskipti eru á hendi viðskiptavinanna sjálfra.

Samningur um virka stýringu
Líkt og þegar um ráðgjafarsamning er að ræða þá vinnur ALM nauðsynlega greiningarvinnu er varðar t.d. markaðsaðstæður, val á fjárfestingakostum/stýringaraðilum, og framkvæmd viðskipta og kemur  eftir atvikum að mótun fjárfestingastefnu og/eða áhættustefnu og hefur eftirlit með árangri og ávöxtun.  Í framhaldi af þessari vinnu tekur ALM ákvarðnir um viðskipti í samræmi við heimildir í stýringarsamningi og gefur fyrirmæli um þau á markaði með umboði viðskiptavinar. Niðurstöður af vinnu ALM eru á formi reglulegra og óreglulegra skýrslna og  viðskiptayfirlita auk funda með viðskiptavinum.

Starfsmenn búa yfir mikilli þekkingu og reynslu af innlendum og erlendum mörkuðum og öllum eignaflokkum og tegundum fjármálagerninga.